يوميات نجمة وهادي للكاتبة فاطمة الزهراء كاملة

**الفصل الاول**

**قاعد يتفرج على الماتش ومتابع بتركيز وفجأة مراته قعدت معاه**
**نجمة : هى أيه حكايتك يا بيه طول اليوم مفيش غير التلفزيون**
**هادي : ياوليه انا اتكلمت انتى عايزة تزعلى والسلام وليه نكد طلاق تلاته اسيبك وانزل اقعد على القهوة اسمع الماتش**
**نجمة : انزل يا اخويا بس اعمل حسابك هتنام عند امك الليله**
**هادي : واهون عليك ياقمر تنام ليله من غيري**
**نجمة : ما البيه عاوز يتفرج فى القهوه**
**هادى : مش انت إلى زعلت ياجميل خلاص بقى فكى كده واعمليلنا اتنين شاي بايديك**
**نجمة : لا اعمل انت يا يا هادي كفاية عليا امك وعيالك طول اليوم**
**هادي برفض : مش عاوز حاجه انا غلطان انا ماشي**
**نجمة : براحتك يا حبيبي بس انزل بقي السوبر ماركت اشتري لحمه و سمك وقهوة ومتنساش التسالي**
**هادي : شويه وهنزل ياحبيبتي يخلص الماتش بس**
**نجمة بصوت عالي : يا خليل تعالي خدني بيتنا وسيب البيه يتابع الماتش**
**هادي : خلاص خلاص هنزل حسبي الله ربنا يهد القوى**
**نجمة : جدع يا حبيبي ايوه كده اسمع الكلام .. وبالمره قوم اعمل القهوة بقي**
**هادي : لأ اعمليها انتى انا كفايه عليا اجيب الطلبات علشان الحق اخر الماتش**
**نجمة : يا خليل**
**هادي بغيظ : خلااااااااص هعملها وانزل اجيب الطلبات حسبي الله ونعم الوكيل في كل ظالم قوى**
**نجمة بتفكير : بتدعي على مين يا هادي استني بس امك تنام حاضر**
**هادي : بدعي على نفسي يستى بدعي على نفسي عندك مانع**
**نجمة : شاطر يا هادي تعجبني لما تكون عاقل .. اتكلم يا حبيبي احسن تتعب وبصراحه انا مقدرش على امك**
**هادي بغضب : اسكتى بقى ياوليه أدى الماتش خلص ورونالدو خسر خسر**
**نجمة : انا ولا رونالدو يا هادي**
**هادي : ده سؤال رونالدو طبعا .. قصدى انتى طبعا ياحياتى**
**نجمة بسخرية : طيب يلا بقي اعمل القهوه بصراحه يوم ما بتشجع فريق بيخسر بلاش تشجع تانى**
**هادي بغيظ : اومال اخوكى قاعد لغاية دلوقتى ليه ما انا بشجعه جااااااامد**
**نجمة بغرور : لا يا حبيبي اصحى اخويا كبير المشجعين وبيجوا ياخدوه الماتشات الكبيرة**
**هادي : ربنا قااااااااادر ف مره كده أن شاء الله**
**نجمة : واضح إنك عاوز تنام الليله عند أمك**
**هادي في سره : يبقى ارحم**
**هادي : بتقول ايه يا هادي**
**هادي : مابقولش يستى حاجه اسكت احسن**
**أحلام سمعت صوت هادي وعرفت إنه متخانق مع نجمة بسبب صوتهم العالي**
**أحلام بعد دخولها : واد يا هادي هو انت تيجي من الشغل تقعد عن المحروسه معرفتش اربي**
**نجمة وكأنها مش شايفه أحلام : القهوة يا هادي**
**هادي : عندك اهى انا نازل مع أمى ‘ ورد على أحلام ‘ بقولك اي ياما والنبى انا ماناقص**
**نجمة بتتكلم بدلع : زعلانه ليه يا حماتي مش احسن ما يقعد على القهوه ويرجع بعد نص الليل**
**هادي بصوت منخفض : على الاقل القهوة ارحم**
**أحلام بتعجب : ايه يا واد مالك عامل كده ليه هى عملالك عمل**
**نجمة : بقي كده يا هادى**
**نجمة لحماتها : نعم يا حماتي هو انتى عاوزة قلق وخلاص أهدى يا حبيبتي**
**هادي لأحلام : مفيش ياما مخنوق شويه**
**و رد على كلام نجمة لأحلام : أهدى يانجمه دى امى**
**أحلام بسخرية : ايه يا حبيبتي نسيتي انى لولا المجنون ده كنتى زمانك قاعده جنب اخوكي تبيعي طماطم**
**هادي بصوت منخفض : اول مره تقول حاجه صح**
**نجمة بغضب : رد على امك يا استاذ ولا عامل راجل عليا**
**هادي : يالهوى هى ليله زرقه انا عارف 🤦🏻‍♂️**
**هادي لنجمة : انا راجل غصب عنك يا نجمه بلاش تغلطى ف الكلام**
**نجمة ببكاء : اه راجل يا اخويا طيب اقعد بقي انت وامك بالعيال**
**أحلام بغضب : من ايه يا حبيبي ياما قولتلك بلاش دى بنت خالتك كانت بتحبك بس اقول ايه بس**
**هادي : نصيب ياما وبعدين انا بحب نجمه وهى بتحبني**
**هادي لأحلام : و مش مخنوق منها من الشغل دى حبيبتى مريحانى اخر راحه**
**أحلام : اه بتحبك واضح دى الناس مش بتتكلم غير عنكم طول اليوم**
**هادى لأحلام : مالناش دعوه بالناس ياما .. وبعدين بيقولوا اي يعني**
**هادي : هو انا اقدر استغنى عنك انتى حبيبتي يانجمه بس ابوس ايدك أهدى شويه**
**نجمة : لا يا حبيبي خلاص ما انا منكده عليك**
**هادي : مين بس يقدر يقول كده ده انت السعاده كلها ياجميل**
أحلام بغيظ من تصرفات ابنها واستسلامه لنجمة : أيه يا واد اجمد كده سيبها تمشي يومين وهترجع لوحدها كل مره تقول كده وبتقعد .. وبعدين بيقولوا انك جوز الست يا اخويا كفاية بيشوفوك وانت بتنشر الهدوم وبتشتري الطلبات والهانم قاعده مش بتعمل حاجه
هادي بجدية : الى يقول يقول يا امى ماليش دعوه بحد انا بساعد مراتى ودى حاجه بقتضى بيها عن الرسول .. مقدرش ياما استغنى عن نجمتى حبيبتي
**أحلام : ولا لا اتجننت رسمي انا كلامى مع اخوها**
**هادي : لو هتقدرى عليه كلميه اهو عندك يلا يانجمتى**

**أحلام كلمت خليل وعرف إنها عملت مشكلة مع أخته طلع لها**
**خليل : نعم يا ام هادى خير في حاجه ولا اي**
**أحلام : اه يا حبيبي شوف اختك اللى مش محترماني ولا محترمه حد**
**خليل : ازاى يعنى مش فاهم قصدك اي أنها مهمله مع جوزها وعيالها ولا مهمله معاكى**
**أحلام : يعني مش شايف كلامها معايا ازاى وكمان جوزها**
خليل : لأ مش شايف ان في مشكله يا خالتى هى بتتعامل معاكى زى امها وهو جوزها وهما احرار مع بعض مالناش دعوه بيهم ياخالتى
**أحلام : طبعا وهو واحد زيك هيقول ايه طول النهار تتخانق مع الجيران ناقص تجيب اصحابك وتقفلوا الشارع**
**خليل : بتقولى حاجه ياخالتى**
**أحلام بجدية : اللى سمعته يا حبيبي ويلا بقي امشي ولا ناوي تنام هنا**
**خليل بغيظ : جرا اي ياخالتى انتى بتطردينى ولا اي من بيت اختى**
**هادى خرج بعد ما سمع كلام خليل : في اي ياخليل بتعلى صوتك على امى ليه حصل اي**
**أحلام : ده بيت ابني يا خليل متنساش نفسك**
**خليل لهادي : عندك اعتراض يا جوز اختى ‘ و كلم أحلام ‘ وابنك جوز اختى**
**هادي بغضب : ايوه طبعا كله الا امى ياخليل انت فاهم**
**أحلام : جوازة الندامة يا حبيبي**
**خليل : لما هى جوازة ندامه مكملين ليه لغاية دلوقتى نفضوها سيره بقى**
**أحلام : كلامك صح يلا خد اختك وعيالها ويلا من هنا**
**هادى بصوت عالى وغضب : خلييييل**
**خليل : انت بتعلى صوتك عليا ياسي هادى**
**هادي وقف ورا أحلام : هخاف منك ولا ايه انت مش عارف أنا مين**
خليل : وماله ياخالتى بس ابقى ورينى انتى ولا ابنك هتقدروا على نتيجة الطلاق ده ولا نسيتوا وصل الامانه غير القايمه وغير وغير
**نجمة خرجت بشنطة هدومها : لا يا حماتي الشقه من حق الزوجة خدي ابنك ينام معاكي من الصبح هشوف محامي واخد حقي منك**
**هادى بصدمه : اي إلى بتقوليه ده يانجمه انتى عايزة تطلقي**
**أحلام : انت بتهددنا ولا ايه سامع يا هادي**
**هادي : أهدى يا امى ارجوكى وانت ياخليل أهدى ووطى صوتك انتو هتخربوا البيت كده**
نجمه : ده كلام امك يا حبيبي اسمع بقي أنا خلاص ماليش قعاد هنا تعالي معايا عمارة ابويا وهيفضي لنا الشقه اللى هتعجبنا
**هادي : مقدرش اسيب امى لوحدها أهدى شويه وانتو ياجماعه اهدوا مش معقول كده**
**خليل بجدية : لا ياحبيبى مفيش هدوء يا الطلاق يا هتسيب البيت ده وتيجي مع مراتك وعيالك**
**نجمة بتحدى : وانا مش هقعد دقيقه واحده بعد كلام أمك يا استاذ**
**هادى : دى زي امك يانجمة عيب ما ينفعش**
**نجمة : ولا امى ولا ابويا يا حبيبي**
**هادي بغضب : جرا اي يانجمه مش كده وبعدين ماتعليش صوتك عليا لوسمحت**
**نجمة : انا راحه بيت ابويا وهو يجيبلي حقي منك انت وامك**
**هادي : مفيش خروج ادخلي جوه يلا**
**نجمة بتحدى : مش داخله ومن النهارده مالكش كلمة عليا**
**هادي : نعم يختى ليه مش مالى عينك انا ولا اي**
**نجمة : اللى تفهمه يا حبيبي يلا يا خليل نمشي**
**هادي ضرب نجمة على وجهها والكل وقف مصدوم**
**خليل بغضب : انت بتضرب مين يا هادي انت اتجننت بتضرب بنت المعلم سلطان**
**هادي : دى مراتى ياخليل دلوقتى وغلطت فيا وكان لازم ارد**
**خليل وهو بي.ضرب هادي : طيب انا هعلمك ازاى تضرب اختى**
**هادي وهو بيحمى نفسه من الض.رب : اي ياخليل في اي أهدى ااااااااااااااه**
**نجمة بخوف : خلاص يا خليل يلا من هنا سيبه بقي كفاية**
**خليل : بس يا بت خليه يتربي ويحترمك مش يمشي ورا كلام امه**
**نجمة : كفاية بقي مش سامع حماتي هتلم علينا الجيران يلا ولا عاوز تروح القسم الليله**
**أحلام بصراخ : يالهوووووووووووووي الحقونا يانااااااااااااااااس حد يبلغ الحكومه هيقتلوا ابنى يالهوووووووي**
حضر الجيران وكانوا خايفين من خليل لأن كلمهم عارفين جنانه لكن نجمة بصعوبه بعدته وحضرت الإسعاف وأحلام قاعده تدعي على خليل ونجمة بعد شوية خرج الدكتور وراحوا عنده
**أحلام بدموع : طمنى يا دكتور ابني عايش صح**
**الدكتور بغضب : أنا مضطر أبلغ الشرطه الحاله عندها ارتجاج فى المخ و**
**خليل بمقاطعة : تبلغ مين يا عمنا إنت عاوز تنام على السرير جنبه**
**أحلام ببكاء : أنا هبلغ عنك يا خليل صدقني مش هسيبك المره دى**
**خليل : ايه يا حماة اختى لو فاكره انى هخاف تبقي متعرفيش انا مين**
**الدكتور : إنت بجد مش طبيعي هبلغ الشرطه**
**وقبل ما يمشي خطوة واحده طلع من جيبه مسدس والكل وقف خايف منه حتى أحلام**

**يتبع**
**ياتري هيحصل ايه**

الفصل الثاني

الضابط وصل وقبض على خليل ونجمة بعد أحلام ما اتهمتهم أنهم حاولوا يقتلوا هادي وكمان المستشفى قدموا بلاغ ضده إنه حاول يضرب الدكتور وصلوا القسم ونجمة خايفة و بتبكي
الظابط بعصبية : انت بقى عاملى نفسك خط الصعيد يا روح امك وبتضرب الراجل لأ وكمان بترفع المسدس فى وش الدكتور و فى مستشفى حكومي كمان
خليل بغضب : انا عملت ايه بس يا باشا الدكتور هو اللى عصبنى وعاوز يبلغ الحكومه وهو حوار عائلي
الظابط بصوت عالي : حوار عائلي مين يالا ده الراجل مرمى فى المستشفى بين الحياة والموت هو علشان جوز اختك ف تقتله عادى اي مش بنى ادم ده ولا مفيش حكومه تعرف تلم اشكالك بتبلطج علي الراجل وأمه
خليل : ايه بس يا باشا بعدين هو اللى زعل اختى وأمه بتحرضه عليها زيادة وبعدين هادي هيتنازل عن المحضر
الظابط : يزعل اختك تقوم تقتله وكمان بتأكد أنه هيتنازل يعني هتهدده طيب ايه رأيك انى هنيمك انت واختك ف الحجز لغاية لما نشوف هيتنازل ولا لأ
خليل بغضب خافت : ليه الاذيه دى طيب يا باشا واختى عملت ايه هو افترا وخلاص
الظابط : بتقول حاجه يالا …. افترا هاه اه هو افترا وانا بقى هوريك الافترا على حق
خليل بارتباك : اه اه خلاص يا باشا هسكت بس بلاش اختى هى معملتش حاجه
الظابط : ايوه كده خليك شاطر واتلم واسكت وبالنسبة لأختك مقدرش اسيبها تشوف محامى يخرجها إنما أنت هتأنسنا شويه لغاية لما ابو نسب يفوق ونشوف أقواله
خليل : طيب سيب اختى تمشي وهسكت ياباشا
الظابط بغضب : انت بتهددنى يالا طيب هى مش هتمشي ورينى هتعمل ايه يا روح امك
نجمه بدموع : يا باشا انا ساكته سيبني اروح لجوزى المستشفى عايزه اطمن عليه
الظابط : جوزك إلى اخوكى حاول يقتله صح للاسف مش هينفع تخرجى إلا بحضور محامى المحضر اتعمل وبقي رسمى
نجمه بترجي : طيب عاوزة اكلم بابا يجي يخرجنى
الظابط: مكالمه واحده معاكى يلا
نجمه ببكاء : بابا تعالي بسرعه احنا فى القسم الحقنا
فى خلال فترة بسيطه وصل سلطان ومعاه المحامية علشان يخرجوهم
المعلم سلطان : السلام عليكم ايوه يابيه العيال دي عاملت ايه علشان لامؤخذه كدا واخدهم عندك في القسم عاوز افهم يا باشا حصل ايه يا عيال فهمونى
نجمه ببكاء : بابا خرجني انا مش هقدر اقعد هنا دقيقه واحده
الظابط : ابدا ابنك حاول يقتل جوز اخته وام الاستاذ هادى اتهمت ابنك وبنتك فى محاولة قتله وكمان بيرفع مسدسه على الدكتور وبيهدده
المعلم سلطان : اهدي يابت انا جيت ومعايا ست الافوكاتو اهو وبعدين دي ست كدابه مش ولابد وعاوزه تطلق البت من جوزها وكمان بتتخانق مع ولادي وكل مره افهمها تبعد عن عيالي مش بتفهم
الظابط : لأ مش بتتبلى لأننا مسكنا ابنك متلبس وهو بيحاول يتهجم على الدكتور وام الاستاذ هادى وبيرفع عليهم المسدس
المحاميه وعد : مساء الخير يا فندم انا وعد مصطفي محامية وحاضره عن المتهمين
الظابط : اهلا يا استاذه اتفضلي
وعد : ممكن تهدى يامعلم لو سمحت وتسيبنى انا اتعامل علشان اعرف اخرجهم
المعلم سلطان : استني بس ياست الاستاذه البيه بيقول ضرب قال ضرب قال دول ناس ما بيفهموش حاجه وانا غلطان علشان اديتهم بنتي من الاساس انا اديتهم هديه والله هديه ويتبلوا علينا
وعد : لوسمحت يامعلم أهدى واتفضلوا وانا هتصرف واخرجها
الظابط بعصبيه : معلم سلطان كلمة زيادة هتدخل معاهم الزنزانه اتفضل أخرج بره يلا
وعد : أهدى ياباشا معلش الراجل منفعل علشان عياله ….. معلش ياباشا ممكن دقيقه على انفراد مع المتهمين
الظابط : تمام عشر دقائق وراجع تاني
وعد : متشكرين ياباشا….. ممكن تهدى يامعلم كده مش هينفع الراجل محترم وذوق معانا لغاية دلوقتى لو عَندنا معاه مش هعرف اخرجها
خليل : وانا مش هخرج ولا ايه انا كمان معاها
المعلم سلطان : انا سكت اهو يا ست الاستاذه علشان متقولوش عليا بتكلم كتير بس خرجي ولادي
وعد لخليل بخوف : بقولك ايه انا ماليش دعوه بيك ولوسمحت ماتتكلمش معايا شوف حد غيري يخرجك
خليل : انت جايب واحده تحبسني ولا ايه يا معلم
وعد : بالنسبه لمدام نجمه هتخرج لأنها ماعملتش حاجه هى متهمه بدون دليل وكمان موقفها كويس لأنها مراته ف هعرف اخرجها
نجمه بدموع : خرجيني من هنا ارجوكي انا خايفه
المعلم سلطان : ليه بس يابني حصل ايه بس الاستاذه هتخرجك اومال هي فايدتها ايه بس هتخرجك اسكت انت بس
خليل : مش سامع كلامها اللى بتقوله
وعد لنجمه : هخرجك بس لازم تقولى فى المحضر انك مكنتش فى الخناقه ف صف البيه ده لأ هو حصل مناقشه بينهم وشدوا مع بعض شويه والموضوع وصل للضرب خناقه عائليه يعنى هو مايقصدش يقتله وانتى كنتى بتحجزى ف النص بينهم مالكيش اي علاقه وأنه هو جوزك وأبو ولادك يعني مستحيل تحاولى تقتليه انتى واخوكى وانا هتصرف ف الباقي
نجمه بخوف : بس حماتي قالت انى كنت مع خليل وبضرب هادي انا كمان
وعد : مفيش إثبات ثم انك مراته وأم أولاده ومحصلش بينكوا مشكله قبل كده ووصلت لمحضر هستغل ده واخرجك اطمنى
المعلم سلطان : ايون كدا يا مودام برافوا عليكي فكري للواد يخرج ازاي بقي
وعد : مودام ايه يامعلم بس انسه لسه وبعدين والنبى ابعد ابنك ده عنى ماليش دعوه بيه وشوفله محامى غيري انا مستحيل اخرجه
خليل : وانا يا حضرة الافاكوتو وعد لأ ده انا اروح اقتله بجد لو مخرجتش
وعد بقلق : وماله اقتله علشان اجبلك اعدام واخلص منك
خليل : اتكلم يا معلم سلطان ولا عاجبك كلامها
وعد : انت بلطجى وليك محاضر اكيد صعب اخرجك حتى ده لو وافقت اصلا اخرجك
المعلم سلطان بزعيق : جري ايه يا ست انتي ابني ضانيا ازي تتكلمي كدا عنه لازمن تشوفي ايوها طريقه تخرجيه بيها فاهمه هو انا هدفع لك شويه يعني
خليل بحزن : وانا مش عاوزك تخرجيني مشيها يا معلم وهات محامي غيرها
وعد بانفعال من كلام سلطان : لالالالاااا بقولك اي يامعلم مش بالفلوس لو على الفلوس انا لسه ماخدش حاجه ومش عايزه حاجه انا بس جيت علشان نجمه مش اكتر ومش عايزه أتعاب انا مش سلعه بتشتريها خلى بالك من كلامك كويس اوى … ثم وجهت كلامها لخليل : وماله يكون احسن برده
المعلم سلطان : افهمي بقي لو مخرجتش الواد هتبقي عدويتي واللي بيعاديني يبق يقول علي نفسه يا رحمان يا رحيم اه
وعد بغضب : نعم انت بتهددنى ولا اي لأ عندك انا مش واحده من الشارع أنا محاميه يعنى ممكن اوديكوا ف ستين داهيه وممكن حالا أخرج ابلغ الظابط ووقتها هيحبسك معاه وابقى قابلنى لو خرجتوا انتو الاتنين
خليل بابتسامه عريضة وحب : بس يا معلم وعد هتخرجنا مش صح يا عروستي
نجمه : وانا كل مره البس مصايب خليل ولا ايه عاوزة اروح لجوزى حرام عليكم
وعد بصدمه من كلام خليل : عروستك مين ياعم انت .. انت اتجننت ولا اي….. سكتى اخوكى وابوكى وانا هخرجك
نجمه : اسكتوا بقي قولي وانا هنفذ بس خرجيني من هنا
خليل بغمزه : اه عروستي
وعد بخوف منه : هخرجك بس ابعدى اخوكى ده عنى والنبي
نجمه : هبعده عنك صدقيني
وعد بخوف اكبر : لأ انا مش عروستك مستحيل لالالالاااا
خليل بعصبيه : تبعدى مين يا بت انتى عاوزة تروحى المستشفى عند جوزك فى العنايه ولا ايه
وعد : شوفتى اهو مش هيبعد عنى لأ والنبى ابعديه عنى
خليل بفرحه وحب : انا كلمت ابوكى ووافق ياقمرى
وعد بصدمه : اييييييه لالالالاااا والنبى لأ
نجمه بعصبية من تصرفات اخوها : خليل بلاش جنان بقي انت عاوز أيه اسكت خلينا نخرج
المعلم سلطان : بصي يا بت انتي ابني رايدك في الحلال وده عريس لقطه كفايه انه بص علي واحده معصعصه زيك انتي تطولي يا بت خرجي الواد بقي
نجمه ببكاء وعصبيه : بابا فكر فيا زى ما بتفكر فى خليل انتم جايين تتخانقوا على حسابي
وعد : انا معصعصه اديك قولت اهو خليه بقى يشوف واحده كيرفي ومربربه وابعده عنى بدل ما اجبله تأبيده اقسم بالله….أهدى وانا هخرج يانجمه ماتقلقيش انتى كده كده هتخرجى … وعد موجهه كلامها لخليل : طيب ممكن يا استاذ خليل كلمتين على جنب كده
خليل بحب : قولى اللى عندك يا وعدي
وعد : يادى النيله عليا وعلى سنينى اسمع ياعم انت انا هخرجك من هنا ودلوقتي كمان بس بشرط
خليل : قولي شرطك واشوف
وعد : مالكش دعوه بيا خالص وكمان تنسي حوار انى اتجوزك ده خاااااالص مفهوم
خليل بحب وهدوء لاول مره : بس انا بحبك يا وعد من اول يوم شفتك فيه بحبك ولو وافقتي هتغير علشانك بجد
وعد بتردد من نبرة صوته ونظراته : وانا مش بحبك ومش عايزاك لوسمحت ابعد عنى
خليل بحزن وثبات : انسي انى ابعد عنك ده مستحيل
وعد بتحدى : وانت انسي انى اخرجك من هنا
الضابط دخل لهم وقفوا كلهم
الظابط : أظن كده المده انتهت قولوا وصلتم لايه … اتفضل بره يا معلم خلينا نبدأ التحقيق

يتبع

الفصل الثالث

وعد برسميه : اظن يافندم أن مفيش اي إثبات يدين موكلتى نجمه ثم انها زوجته وأم أولاده ولم يصدر منها اي اعتداء عليه بالضرب سابقا ف هى زوجته وانا بأطالب بالإفراج عنها بضمان محل إقامتها
الظابط : ماشي هنخرجها لكن اخوها هيتحول للنيابه بعد ما التقرير يطلع وكمان ناخد اقوال المجنى عليه ووالدته
وعد : اظن ان الاستاذ خليل لم يكن ينوي اذاءه بهذا الشكل ف أنها مجرد مشاجره عائليه ف هو لم ينوي قتله مثلما ادعت والدت المجنى عليه وايضا لم يتم أخذ اقوال المجنى عليه ف لا يوجد إثبات أيضاً على محاولة موكلى قتل الاستاذ هادى ولا يوجد له اي ملف قانونى سابقا ف هو ليس مجرم ولا قاتل هو مجرد اخ تشاجر مع زوج أخته لسببا ما ولكن لم يأتى إليه ناويا قتله ف انا بأطالب بالإفراج عنه أيضاً بكفالة وبضمان محل إقامته
الظابط : اسف خليل هيستنى هنا لغاية ما يوصل تقرير المستشفى وكمان ناخد اقوال هادي ووالدته ده غير أن والدته قدمت بلاغ بعدم التعرض ليها أو لابنها يعنى اي حاجه يتعرضولها هيبقوا المسؤولين حتى لو أبرياء
وعد : ايوه بس هو مش هيتعرضله تانى يافندم وبعدين انا بطالب بخروجه بكفاله على ذمة التحقيقات لحين أخذ اقوال المجنى عليه ووصول التقرير
الظابط : طلبك مرفوض لانه محاولة شروع فى قتل لما التقرير يوصل هنقرر وقتها
وعد : يافندم مفيش إثبات بالكلام ده وكمان لم يتوفر الجانب المعنوي اي لم تتوافر لديه نية قتله
الظابط : وياتري اقوال والدته مش كفاية
وعد : دى والدته ام يعنى وخايفه على ابنها علشان كده اتهمتهم لكن مفيش اي إثبات لكلامها وحضرتك عارف ان مفيش اثبات
الظابط : تقرير المستشفى هيوصل بكره بعدها نقرر يا عسكرى نزل المتهم على الزنزانه
وعد : نجمه هتخرج إنما بالنسبه لخليل للاسف مش هيخرج لازم هادى ووالدته يتنازلوا عن المحضر والا هيتحول للنيابه ومنها للمحكمه ووقتها هتبقي قضية شروع فى قتل ودى فيها بالكتير تلات سنين اتصرفوا معاهم بقى علشان يتنازلوا
خرجت نجمة من القسم مع والدها وراحوا المستشفى كانت أحلام قاعدة قصاد أوضة العناية المركزة وأول ما شافتهم وقفت
نجمه بدموع : طمنيني على هادي يا ماما
احلام ببكاء وحزن على حالة ابنها : انتى خرجتى ازاى يسيبوكى تخرجى روحى منك لله انتى واخوكى على الى عملتوا فى ابنى منكم لله
نجمه بحزن : انا معملتش حاجه عاوزة اشوف جوزى
احلام : جوزك دلوقتى بقى جوزك بعد ما كنتى هتموتيه انتى واخوكى البلطجى جوزك يختى مرمي جوا بين الحياة والموت حسبي الله ونعم الوكيل فيكم ابنى هيروح منى بسببكوا
نجمه بغضب من كلام أحلام : اه يا حماتي هادي جوزى ومش هسمحلك تبعدينا عن بعض انسى
المعلم سلطان : ايه يا وليه ما تهدي واستعيذي بالله كدا مهما كان دي مرات ابنك في ايه بس بينهم عيال اهدي بقي وشوفي حال ابنك وادعيله
احلام : وايه الى وصل ابنى للحاله دى ماهو ابنك البلطجى هو إلى عمل فيه كده … وانتى يختى عامله زعلانه عليه لو يهمك فعلا ولا بتحبيه مكنتش جيبتى اخوكى يعمل فيه كده
نجمه : كفاية بقي أنا تعبت عاوزة مننا ايه تاني اول ما يفوق هنروح عمارة بابا هنسيب البيت علشان تهدى وترتاحى
احلام : ابنى مش هيمشي من بيته مش هتسحبيه وراكى و عندك وسط عيلتكوا البلطجية دى انتى فاهمه
نجمه بتحدى : هتشوفى يا حماتي هيروح مع مين
احلام بتحدى اكبر : هتشوفي يختى ده ابنى ومستحيل يسيبنى انا أمه إنما انتى مراته
المعلم سلطان : يا حاجه مصارين البطن بيتخانق ودول زي الاخوات برضه وانتى عارفه والولد خليل ابني عنيف شويتين إنما مايقصدش يقتله وانتى عارفه وانتى يانجمه يابنتى عيب كده استهدي بالله دى حماتك
نجمه : مش سامع كلامها يا بابا عاوزه تبعدني عن جوزى
احلام : جوزك إلى جبتيله اخوكى البلطجى يقتله صح
المعلم سلطان : يا بنتي جوزك تعبان وامه زعلانه علشانه اعذري حماتك شويه وهي لازم تفهم اننا اهل ونسايب ونقفل علي الموضوع ولا ايه يا ام هادي
احلام : نقفل ايه انت عايزنى اسيب حق ابنى
المعلم سلطان : يا ست استهدي بالله بقي وافهمي انا بحاول افهمك الموضوع البت زعلت واخوها جاب حقها خلاص بقي اخوات وتخانقوا حصل خير
نجمه : خليل مكنش قاصده وانتى عارفه كده كويس ثم ازاى هيقتل جوز اخته
احلام : اومال الى عمله ده تسميه ايه ده الواد بيموت جوا بسبب إلى عمله فيه منه لله
المعلم سلطان : ده حتي بيحبه اوي وبيقول عليه زي اخوه بس ساعه شيطان وحقك علي دماغنا من فوق ماتزعلش بقي يا ام هادي
نجمه : عاوزة ايه يا حماتي وهنفذه
احلام : انا مش عايزه غير راحة ابنى وسلامته وانتى ولا مريحاه ولا حتى سلم من اذيتك انتى واخوكى ليه تعملوا معاه كده وهو طيب عمره ما زعلك ولا عملك حاجه وحشه ده حتى خايب وبيحبك وبينفذ طلبات البيت إلى المفروض انتى تقومى بيها وساكته مع انى قولتله مية مره أنه ماينفعش بس هو بيسكت ويدارى عليكى هو علشان طيب وغلبان ومحترم تعملوا فيه كده
نجمه : انتى عاوزة تقولي ايه مش فاهمه
نجمه : قولتلك عايزه راحة ابنى عايزه ابنى يبقى راجل البيت كلمته مسموعه وتتنفذ عايزه مرات ابنى ست بيت تريحه وتهنيه وتكبره مش عايزه واحده تفترى عليه وتستقوى عليه باخوها وأبوها
نجمه : هعمل اللى عاوزاه بس خليني ادخل اطمن عليه
احلام : ممنوع الدخول قالوا لسه هيشوفوا وضعه بكره الصبح
نجمه : طيب انا هستني معاه
احلام : مفيش داعي انا قاعده معاه روحى لعيالك
نجمه : مش همشي من هنا غير معاه
احلام : بطلى عند وروحى لعيالك هما لوحدهم من وقت إلى حصل واكيد خايفين
نجمه : مش قادره امشي واسيبه روحى انتى وانا معاه
احلام : مش هسيب ابنى لوحده روحى شوفي عيالك وابقى هاتيهم وتعالى يلا
تاني يوم راحت نجمة المستشفى وشافت أحلام واقفه قدام العناية قربت منها
نجمة بحزن : ماما ايه الاخبار النهارده
أحلام : مفيش جديد لسه زي ما هو الدكتور هيجي كمان شويه يشوفه ويطمنا
نجمة بأسف : ماما أنا أسفه سامحيني لو سمحتى
أحلام : اسامحك على ايه كل الى بتعمليه فيه ده مايجيش حاجه جنب أنه كان هيروح منى بسببك مهما كان إلى بينكوا ماتستقويش علي إلى بيحبك ويخاف عليكى بأهلك ده انا أمه اهو ولما اكلمك كلمه بيزعل ويقولى لأ كله الا نجمه يا امى دى الغاليه دى بتحبنى دى دى وانا بستعجب لأمره واقول جايز بتحبه فعلا بس ازاى بعد ما اذيتيه إلى يحب مايأذيش حبيبه
نجمة بدموع : انا محبتش غيره من يوم ما اتولدت وانا مشوفتش حد غيره هو كل حاجه فى حياتي
أحلام : اومال ليه كل شويه والتانيه تخوفيه باخوكى علشان يعني محترم ومالهوش فى شغل الهمج دول واخوكى قوي حبتين ف تجبيه يستقوى عليه
نجمة بندم : انتى عارفه جنان خليل انا واثقه إن خليل مستحيل يإذيه لانه عارف بحبه قد ايه صدقيني
أحلام : هو لسه هيأذيه ماهو أذاه وخلص
نجمة : اوعدك مش هسمح له يقرب منه تانى
أحلام : اتمنى علشان عيالك حتى لو مش علشانه هو وعلشانى انا ماليش غيره عايزه ابنى يشيل كفنى ويدخلنى قبري مش انا الى ادخله
نجمة : متقوليش كده ربنا يخليكم لنا
أحلام : العيال فين مش جبتيهم معاكى ليه
نجمة : فى البيت يا ماما محبتش يجيوا هنا وعد كمان قالت أسيبهم معاها
أحلام : مين وعد دى تعرفيها !!
نجمة : اه صاحبتى والمحاميه
أحلام : ماشي ربنا يطمنا على أبوهم
الدكتور خرج وهما واقفين ونجمة شافته
نجمة : الدكتور خرج أخيرا
أحلام : طمنا يادكتور ابنى عامل ايه دلوقتى
الطبيب : اطمنوا هو حاليا كويس هيتنقل أوضة عادية اخر اليوم
نجمة : عاوزة أشوفه يا دكتور
أحلام : الحمدلله الف حمد وشكر لك يارب طيب ينفع نشوفه يابنى
الطبيب : صعب الوقتى لما يتنقل ممكن تشوفوه اطمنوا هو بقي كويس
أحلام : طيب يابنى الحمدلله والف شكر على تعبك ربنا يجزيك خير
الطبيب : بعد اذنكم رأيي تروحوا ترتاحوا فى الأوضه اللى هيتنقل فيها

نجمة : تعالي نستني فى الأوضة على ما يجي علشان متتعبيش
أحلام : يلا بينا
بعد فترة دخل هادي الأوضة ونجمة خرجت بره خافت من رد فعله لما يشوفها
أحلام قربت منه : ابنى حبيبى سلامتك ياضنايا عامل اي دلوقتى
هادي بتعب : ماما انا تعبان أوى أوى يا امى حاسس ان دماغي بتلف ومش قادر افتح عينى شوفتى عملوا فيا اي
أحلام : معلش يابنى معلش ما انا ياما قولتلك دى بومه وأخوها بلطجى بلاش منهم بس اقول ايه ما انت إلى خايب موكوس شوفت كنت هتروح فى شربة مياه اهو بسببهم
هادي بتوسل : والنبي يا امى ماتسبنيش معاهم لوحدى
نجمة كانت سامعه كلامهم من بره ومتعصبه بسبب تحريض أحلام عليها لهادي لكن قررت تستني على ما يخرج من المستشفى دخلت عندهم
نجمة : مساء الخير يا هادي
أحلام : ماتخافش مش هسيبك
هادي بتوسل : لالالالالالالالاااااااااااااااااا والنبي ابعدى عنى ااااااه الحقينى ياما الحقينى
أحلام : أهدى ياحبيبي ماتخافش محدش يقدر يعملك حاجة
نجمة بدموع : أنا أسفه يا هادي
هادي : ايييه ماشي ماشي بس ابعدى عنى والنبي
نجمة بحزن : بدل ما تصالحينا يا حماتي تقولي عليا كده
نجمة لهادي : انا نجمة يا هادي انت بتعمل معايا كده ليه
أحلام : اصالحكوا ده انا الود ودى اطلقكوا مش مصدقه تحولك المفاجأ ده خالص
هادي : لأ انتى مش نجمه حبيبتي انتى شريره زي اخوكى وعايزه تقتلينى
نجمة بحزن : بقي كده يا هادي بعد كل السنين دى تقول كده انت عارف بحبك قد أيه
نجمة لأحلام بحزن : خلاص يا حماتي هريحكم منى واروح بيت ابويا
هادي بتمثيل: اااااااااااه
أحلام بخوف : مالك ياحبيبي مالك ياضنايا يالهووووووي ابنى مالك ياواد
نجمة بحزن : فى ايه يا هادي أسفه خلاص
هادي بتمثيل : تعبان يانجمه تعبان اوى ياحبيبتي اااااااااااه
نجمة بخوف وهى خارجه تشوف الطبيب : أسفه سامحنى هشوف الدكتور وراجعه بسرعة
هادي : لأ استنى خليكى جنبى ومعايا انا تعبان أوى
أحلام بسخرية من جنان ابنها : اه طيب تحب ياخويا اروح اشوفه انا
هادي : اه يا امى ياريت تروحى تشوفي الدكتور فين
نجمة : طيب أعملك ايه أنا خايفه عليك اوى
أحلام : ماشي ياخويا ماشي ياموكوس
هادي بسعادة : بجد خايفه عليا يانجمتى
نجمة بحب : هخاف على مين غيرك يا حبيبي
هادي بسعادة : بجد !!
نجمة : ايوه يا حبيبي
هادي : مالك بتعيطى ليه طيب دلوقتى
نجمة بحزن : أسفه مش قادرة اشوفك كده سامحني
هادي : انا كويس ياحبيبتي اطمنى اخوكى هو إلى غبى وتقل أيده المره دي
نجمة : انا مش هسمحله يقرب منك مره تانية
هادي : بجد والله يانجمتى اه والنبى ابعديه عنى
نجمة : اطمن يا حبيبي
هادي : ده غبى اوى اوى والمره دى بالذات والنبي ماتجبيه البيت تانى
نجمة : حاضر أهدى بقي
هادي : ماشي يا حبيبتي العيال فين اومال
نجمة : العيال فى البيت متقلقش عليهم
هادي : طيب الحمدلله انا عايز أخرج زهقت
نجمة : استنى الدكتور يطمنا
هادي : ماشي يا حبيبتي
نجمة : ارتاح بقي شويه
هادي : ماشي خليكى جنبى
نجمة : انا معاك اهو اطمن
هادي بتمثيل : ااااااااااااه اااااااااه
نجمه بخوف وبتقرب منه اكتر : اي ياحبيبي مالك ف اي انادى الدكتور
هادى بضحك : دكتور اي بس انتى صدقتى
نجمه بزعل : بقى كده ياهادى بتضحك عليا انا زعلانه منك
هادي بخبث وغمزه : وهادي مايهنش عليه زعل نجمته وهيصالحها حالا وحشتيني
مره واحده الباب اتفتح : بتعمل ايه يا مجنون انت وهى

يتبع

الفصل الرابع

دخلت أحلام ونجمة بعدت عن هادي بسرعه
هادي بصدمه : اي ياماما مش تخبطى قبل ما تدخلى
أحلام : ليه ياخويا داخله عليكوا الحمام دى مستشفى يابيه منك ليها احترموا نفسكوا شويه اي مش قادرين تمسكوا نفسكوا خلاص لغاية لما تتنيلوا تروحوا هتفضحونا
هادي : معلش يا امى نسينا نفسنا وماخدناش بالنا ف حاجه ولا اي
نجمة : ايه يا حماتي انا كنت بساعده بس
أحلام بسخرية : بتساعديه يختى ليه عاميه انا ولا عاميه شكلكم ايه لو الى دخل ده الدكتور ولا حد من الى فى المستشفى اتهدى شويه الراجل لسه خارج من العنايه
هادي : خلاص يا امى دى مراتى عالفكره مش واحده غريبه يعني حصل خير
أحلام : خير ياخويا اسكت انت ولا صح مين يحامي لها غيرك
نجمة : ولما اتكلم بتزعلي وتوقعى بيني وبين جوزى
أحلام : قصدك ايه ياحلوه انى موقعتيه انى خرابة بيوت لأ ده انتى لسانك طويل بقى وشكلك عايزه إلى يقصه لكي
هادي بتعب : يا امى لو سمحت أهدى انا تعبان مش ناقص خناق وصوت عالى وانتى يا نجمه اسكتى معلش
نجمة : انا هسكت يا حماتي علشان جوزى المفروض يرتاح
أحلام : ليه يختى وانا
هادي بتعب : اااااااااااه اااااااااااه
أحلام : ايه ياحبيبي مالك منك لله تعبتى الواد من افعالك
نجمة : أهدى يا حبيبي هشوف الدكتور كده غلط
نجمة لأحلام : عاوزة ايه منى يا حماتي سيبنا بقي فى حالنا
هادي : انا مش عايز دكتور
أحلام : اومال عايز ايه ياضنايا
نجمة : طيب يا حبيبي اهدى علشان خاطرى
هادي : عايزكوا تسكتوا انا حقيقي تعبان مش قادر على خناقكم كل شويه ده
نجمة بحزن : خلاص هسكت خالص بس ارتاح أنا أسفه
أحلام بحزن : بقى كده يا هادي مش عايز امك جنبك خلاص بقيت وحشه و خرابة بيوت دلوقتى انا ماشيه ومش هدخل فى حياتكوا تانى مش هتشوفوا وشي تانى انتو ف حالكوا وانا ف حالى
نجمة وهى يتمنع أحلام تمشي : يا حماتي خلاص بقي أنا تعبت من الخناق كل شوية
هادي بتعب : استنى بس يا امى والله ماقصد بس انا حقيقي تعبت من خناقكوا كل شويه
أحلام بحزن : انا مش بتخانق معاها ولا عايزه اخرب بيتكوا انا لو عايزه اخربه بجد كنت استغليت الى حصلك بسببها وخليتك تطلقها انا بس بحب انكشها اشاكل فيها من غلبى ووحدتى من وقت ما انت اتجوزت علشان ماحسش انى لوحدى علشان تاخدوا بحسي علشان لما اموت ما موتش لوحدى والاقيكوا جنبى ومعايا
هادي : حقك عليا ياست الكل والله ماقصد ازعلك انا ليا مين بس غيرك ده انتى امى ده انا ماشي بدعواتك ورضاكى عليا حقك عليا ماتزعليش منى ياحبيبتي
نجمة : متقوليش كده انتى امى اللى مشوفتهاش كفاية انك اعتبرتيني بنتك احنا مالناش غيرك يا ماما
أحلام وهى بتحضن نجمة : ولا أنا ليا غيركوا والله انتم وعيالكوا
هادي بمكر : خلاص بقى يا امى فكى كده تحبى أتجوز على نجمه علشان تفكى
نجمة بغيظ : بتقول ايه يا حبيبي
أحلام : بنت ام محمود لسه مخلصه تعليم بيضه وحلوه اكلملك امها
هادي : هاه لا ياحبيبتي ولا حاجه انا اقدر برده .. اسكتى يا امى احسن تقتلنا
نجمة بغضب : دى اخرتها خلاص انا اللى ماشيه بس الشقه من حق الزوجه ابقي شوف هتتجوزها فين
أحلام : عند أمه ياحبيبتي تعالى ياواد عندى
هادي لنجمة : هو انا اقدر استغنى عنك يا نجمتى ده انتى الحب كله ياجميل
أحلام بغيظ من هادي : موكوس مفيش فايده فيك انا خارجه وابقوا خلوا بالكم هاه
نجمة بزعل : كده يا ماما ماشي
أحلام بضحك : بيهزر ياموكوسه انتى كمان هو ده يقدر انا خارجه اتصافوا سوا بقى
هادي بعد والدته ما خرجت : نجمتى
نجمة : بقي كده يا هادي عاوز تتجوز بعد السنين دى كلها
هادي بغمزه : هو انا اقدر ياجميل انا ليا غيرك برده طيب بذمتك اقدر احب غيرك ازاى وانتى واخده قلبى ووشاغله عقلي
نجمة : اضحك عليا بقي بكلامك ده
هادى بتمثيل : اخص عليكى بقى انا بضحك عليكى بالكلام برده انا زعلت انا اضحك عليكى بالفعل
نجمة بغيظ : هادي انت لسه فى المستشفى هاه تحب ترجع العناية تاني
هادي بلؤم : لأ احب نرجع بيتنا اصلك وحشانى اوى اوى بقولك اي ماتيجى تساعدينى تانى
نجمة ضربته على كتفه : بس يا اخويا ولا المره دى نلاقي الدكتور اللى داخل علينا
هادي : امى بره مراقبه الجو ماتقلقيش تعالى بس اقولك على حاجه
نجمة : قول عاوز أيه
هادي : وحشتيني
نجمة بحب : وانت كمان وحشتنى اوى اوى
هادي بمكر : طيب ايه
نجمة بقلق : هادي هو ممكن اطلب منك طلب ومن غير عصبية
هادي بغيظ : وماله ياحبيبي اطلبى بس ده وقته يعني نتكلم وقت تانى
نجمة بتوتر : معلش طلب واحد
هادي : ماشي يا ستى قولى إلى عندك أؤمرى
نجمة بقلق : من غير عصبية بلاش ترفع قضية على خليل هو مش قاصده صدقنى وندمان من وقت اللى حصل انت عارف إنه عصبي
هادى بغضب : يعنى بعد الى عمله ده اسيبه كده اسيب حقي وبعدين خليه محبوس انا كده هرتاح منه ده ممكن يطلع يقتلني بجد
نجمة برجاء : علشان خاطري يا حبيبي وأوعدك مش هايقرب منك تانى
هادي : وايه الى يطمنلى اخوكى غبى وعصبي جدا وأيده سبقاه وانا ماليش فى شغل الهمج بتاعه ده مش معنى انى بسكت أنه يتمادى فيها سبيه ياخد جزاءه ويتعلم الادب
نجمة بعتاب : يعني ماليش خاطر عندك شكرا
هادي بعجز : نجمه ارجوكى بلاش الطريقه دى انتى اكتر واحده عارفه اخوكى وجنانه ماشي أخرجه وبعدها المره إلى جايه يقتلنى فيها بجد كده هترتاحى يعنى لو خروج اخوكى عندك اهم من حياتى ماشي هتنازل وهخرجه
نجمة : خلاص يا هادي متتانزلش مش هغصب عليك براحتك
قعدت ساكته معاه وهو بيفكر من ناحيه جنان خليل اللى دايما يوقعه فى كوارث وبين نجمة مش عارف يوصل لحل بعد فترة دخل الضابط علشان ياخد أقواله
الضابط : مساء الخير اخبارك ايه النهارده
هادي : اهلا مساء النور انا بخير الحمدلله
الضابط : طمنى جاهز للتحقيق علشان ناخد أقوالك
هادي بهدوء : مفيش داعي للتحقيق ولا اقوال الى حصل موضوع عائلي خناقه عائليه مش اكتر وانا متنازل عن المحضر إلى والدتي عملته
الضابط بتعجب : يعنى انت هتتنازل عن حقك بالسهوله دى
هادي : مفيش حق يافندم دى مجرد مشاجره عائليه وهو اتغابى شويه مش اكتر والحمدلله عديت وادينى بخير مش معقول هحبس خال عيالى علشان شدينا مع بعض شويه
الضابط : يعنى هتتنازل عن المحضر
هادي : ايوه يافندم
الضابط : تمام امضي على التنازل
هادي : اتفضل متشكرين واسفين على الازعاج
بعد خروج الضابط قربت نجمة منه وبتفكر ليه اتنازل
نجمة بتعجب : هادي انت ليه اتنازلت عن حقك !!
هادي : مش ده طلبك انا نفذته
نجمة : هادي انا ماليش غيرك انت وخليل وانت شايف بابا كل شوية يتجوز واحنا مش فى حياته انا كده مش هعرف اعيش فى الصراعات دى نفسي اعيش زى الناس
هادي بعتاب : انتى السبب كل حاجه اجبلك خليل اجبلك خليل اي بتستقوي عليا بيه انتى فاكره انى ضعيف ماقدرش اضربه زي ما هو بيعمل لأ اقدر بس هتبقى مجزره واحد فينا هيقتل التانى انا لو بسكت ف انا بسكت بس علشانك علشان بحبك بس لو هتستغلى حبى ليكى بالشكل ده يبقى براحتك واهو اخوكى خرج روحيله وسيبينى أدام انا ماليش ايه اهميه عندك
نجمة بدموع : بقي كده ده رايك فيا شكرا انا هريح الكل منى ومتشكره لكم
هادي بملل : دى اسهل حاجه عندك انك تزعلى وتمشي وكأنى انا اللى غلطان انتى مش كل شويه تجبيه ودخليه فى حياتنا مش كل ماتحصل حاجه تقوليلى اجيبلك خليل اي خليل ده يعني اهو مرمى فى القسم اقدر بكلمه احبسه بس انا مرضيتش علشانك وعلشان هو مالهوش ذنب برده ده اخ واخته استنجدت بيه كأنى بعذبها فى عمل واجبه ك اخ
نجمة : احبسه يا هادي احبسه انتم الاتنين مش بتفكروا غير فى نفسكم هو بيفكر فى حياته وانت الوقتي بتتهمني انا فين من كل ده مقسومه بينكم ومفيش حد منكم بيفكر فى وجعي متتنازلش يا هادي هروح انادى للظابط وهمشي مش هتشوفني تاني
هادي بصدمه من كلامها : انا مابفكرش غير ف نفسي يانجمه دى فكرتك عنى ماشي ياستى انا اسف حقك عليا متزعليش منى علشان انا زوج مهمل تمام كده
عند خليل الضابط طلب حضوره وكانت وعد موجوده دخل خليل وفرح لما شاف وعد وهى كانت قاعده متوتره
خليل : أيه الأخبار يا باشا طمنى
الضابط : اطمن هادي اتنازل بس مره تانية اشوفك هنا مش هتخرج تاني
وعد بتوتر : كده تمام يافندم اقدر امشي قصدى نقدر نمشي صح
الضابط : ايوه مع السلامه …. ياريت متشرفش هنا تاني
وعد : تمام يافندم بعد اذنك
خليل وهو بينادي على وعد : وعد استني بقي
وعد بخوف : ياماما والنبي ابعد عنى انت عايز منى ايه انا مش خرجتك اهو عايز ايه تانى ابعد عنى والنبى
خليل : انتى ليه رافضه تسمعيني
وعد بهروب : هاه لأ خالص مين انا رافضه لأ ابدا انا بس ورايا شغل ف تلاقينى مستعجله عن اذنك اشوفك بعدين
خليل مسك أيدها : هتسمعيني بهدوء ولا اخطفك
وعد بخوف وصريخ : اييييه تخطفنى يالهوووووووي اعااااااااااااااااااااا لاااااااااااااااااا الحقووووووووووووووووونى حملها خليل ووضعها في سيارته وعد بصريخ : اعاااااااااااااااااا نزلنى بقي يا مجنون اعااااااااااااااااااااا الحقونى
خليل ضرب وعد برأسه علشان يسكتها على ما يوصل وبعد وقت بسيط وصل شقة نجمة خبط والولاد فتحوا له وكانوا خايفين حاول يفوقها وجاب برفان أخته ورشه على وجهها علشان تفوق
خليل بغضب وهو بيضربها بهدوء على وجهها : فوقي بقي ما صدقتي انتى يا مجنونه
وعد فاقت وكانت قاعده على كرسي حاولت تقف وشافت خليل : اااااااه يا راسى اااااه انا فين
خليل : لازم ألجأ للعنف علشان تسكتي
وعد بصراخ : اعااااااااااااااااااااا هو انت اعااااااااااااااااااااا الحقونى اعااااااااااااااااااااا
خليل : صرخي صرخى كمان علشان الناس يجيوا يشوفونا سوا شاطره
وعد بخوف : انت جايبنى هنا ليه لالالالالالالالاااااااااااااااااا والنبي لاااااااااااااااااا ماتعمليش حاجه والنبى
خليل : اسكتي طيب خلينا نتكلم العيال خافوا
وعد بصدمه : ايه ده ينهار اسود انا اي إلى جابنى هنا يالهوووووووي يالهووووي انت عايز منى ايه والنبى ماتأذينى
خليل : عاوز تسمعيني اعطيني فرصه واحده وبعدها همشي من حياتك
وعد بتوتر : ات ات اتكلم قول عايز اي بسرعه قول بس يعنى انت طيب جايبنى هنا ليه انا خايفه منك لوحدي تقوم تخوفنى اكتر
خليل : انتى رافضه تسمعيني فى كل مكان
وعد : طيب يعني انت هتتكلم بس مش هتعملى حاجه صح
خليل : انتى ليه شيفانى كده ورافضه نتفاهم
وعد : يعنى انت مش عارف ليه ثم إن انت بتعرف بتتفاهم اصلا ماظنش
خليل : كده مش هنتفاهم سوا وهتفضلي محبوسه هنا
وعد بصدمه : نعم يعني ايه هفضل محبوسه هنا هصرخ وأقول انك خاطفنى وهرجعك الحجز تانى
خليل بتسليه : صرخي بس فكرى فى الناس لما يشوفونا سوا
وعد بخوف : انت عايز منى ايه قول إلى عندك خلينى امشي
خليل : عاوز نتجوز انا وانتى
وعد برفض : وانا مش موافقه مش عايزاك حاجه تانيه
خليل بجدية : انا اتولدت وامى كانت مريضة ولما ماتت بقيت مسؤول عن اختى والمعلم كل شوية يتجوز واحده كان لازم اكون قوى علشان احمى نفسي واختى عارفه يعنى ايه عندك مرات أب يعنى تعيشي فى عذاب لو كنت ضعيف كان ابويا عنده ولاد غيرنا انا ونجمة وكنا بقينا فى الشارع عارفه يعنى أيه تعيشي من غير ام يعني تبقي جعانه ومفيش أكل ولو طلبتي أكل تضربي أنا مش ندمان على طريقتي انا لو ضعفت هنتهي
وعد بتوتر : بس انا بجد بخاف منك أنا بترعب منك مش بس بخاف انت عصبى اوى وكمان عنيف واي حاجه تحصل تستعمل ايدك قبل عقلك انا بس علشان خفت منك وصرخت ضربتنى اومال لو مره اختلافنا على حاجه هتعمل اي هاتبيتنى فى العنايه زي جوز اختك
خليل بهدوء : ملاقيتش حل غير ده انا مقدرش اشوف حد بيزعلها هى مسؤوليتي صدقيني أنا مش شرير زى ما انتى متوقعه وأسالي نجمة
وعد بهدوء : اومال انت ايه
خليل بحب : انا حبيتك
وعد : والمطلوب ايه انا عيشت حياتى كلها بكافح بنفسي وبشتغل وتعبت على ما اتخرجت واشتغلت فى مكتب محاماه ونفسي جوزى يبقى راجل محترم ذوق عاقل سمعته كويسه مش واحد بيقولوا عليه بلطجى وصايع وكمان بيستقوي بنفسه وادينى جربت اهو بنفسي انا حقيقي مش عارفه أقرر مش هعرف ارد عليك
خليل: انا شغال مع بابا فى شركته ومعانا هادي
وعد : مش بالفلوس يا خليل انا الى يشدنى ليك مش الفلوس
خليل : ايه يرضيكي يا وعدي طيب
وعد بتوتر : بلاش وعدى دى بتوترنى اوى و يرضينى انك تتغير بجد تبقى انسان جديد بنى ادم بيستخدم عقله مش أيديه مش عايزه فى يوم تمد ايدك عليا ابدا وتفضل عالطول هادى ومتفاهم معايا زى دلوقتى كده
خليل بابتسامه : وانا موافق وأوعدك اتغير علشانك
وعد : عايزاك تتغير علشان نفسك قبل ما يكون علشانى
خليل : موافق
وعد بتردد : هو انت بجد بتحبنى
خليل بحب : انا محبتش غيرك فى حياتي كلها
وعد بتوتر من كلامه ونظراته : ماشي
خليل : يعني موافقه نتجوز !!
وعد : طيب ممكن اخد وقت افكر وكمان علشان تثبتلى انك اتغيرت بجد ممكن
خليل بغمزه : خدى وقتك واحنا مخطوبين
وعد بصدمه : هاه
خليل : ايه تاني
وعد بتوتر : مفيش بس يعني اصل انا قصدى يعني أننا مش عارفه بقى اقول ايه
خليل برجاء : قولي انك موافقه بقي
وعد : قولتلك هفكر وارد عليك وبالنسبة لموضوع الخطوبه برده هفكر وارد عليك فيه بكره ممكن
خليل بسعاده : موافق يا جميل
وعد : طيب ممكن امشي بقى وجودنا هنا لوحدنا غلط احسن حد يجي هتبقى مشكله
عند هادي فى المستشفى الدكتور كتبله خروج ورجع البيت مع نجمة ووالدته فتحت الباب واتصدمت لما شافت خليل ووعد
خليل بصدمه : هادي انت بتعمل ايه هنا وخرجت أمتى !!
خليل بخوف وقف ورا نجمة وأحلام : ينهار اسود انت انت انت اي إلى جابك هنا وبتعمل ايه هنا ابعدوا عنى والنبي اعااااااااااااااااااااا
أحلام : ايه ده انت وبتعمل اي هنا ومين دى هى حصلت جايب نسوان ف شقة ابنى يالهوووووووووووووي الحقونا يانااااااااااااااس اطلبوا بوليس الأدب

يتبع

الفصل الأخير

نجمه : خليل اتكلم ساكت ليه بتعمل ايه هنا مع وعد
وعد بدموع : والله ياجماعه انتو فاهمين غلط اتكلم ياخليل
احلام بعصبيه : فاهمين اي ياحلوه انتى وهو ف الشقه لوحدكوا يبقى نفهم اي ده أنا هجبلكوا الحكومه
نجمه : بتعمل ايه يا خليل هو علشان هادي سامحك واتنازل تنط هنا كل شوية ولا ايه
خليل بغضب : اهدوا بقي أنا جيت اطمن على الأولاد مع المحامية بعد ما خرجت لاقيتهم لوحدهم
احلام بسخريه: اه يخويا كُل بعقلنا حلاوه كُل واضحك علينا مفكرنا هُبل وهنصدق
نجمه محاولة تهدئة الأمور : لأ ياماما انا قولتله أنه يجي يشوف العيال ووعد زي ماقولت لحضرتك أن الولاد معاها
احلام : طيب إحنا رجعنا خلاص أظن يمشي بقي مش شايفه جوزك خايف ازاى
هادى بخوف : اه والنبي خلاص رجعنا مشوا من هنا والنبى
نجمه : أهدى ياحبيبي هو هيمشي
خليل بصدمه : انتم بتطردونى ولا ايه
نجمه : خليل مش بنطردك بس اظن انك شايف ان هادى تعبان وعايز يرتاح
احلام بتهكم : اه يا حبيبي للأسف يلا امشي ولا المره دى مش هتخرج من السجن مش علشان سكتنا مره تاخد عليها
وعد بإحراج وكسوف : طيب انا همشي انا عن اذنكوا حمدالله على السلامه يا استاذ هادى
خليل : دى اخرتها يا نجمة ماشي
نجمه بحزن : خليل ماتزعلش والله ماقصد بس ارجوك مش عايزه مشاكل تانى ارجوك انا تعبت مش عايزه اخويا وجوزى يتأذوا تانى واقف اتفرج
خليل بحزن : خلاص يا نجمة انا ماشي ومش هضايقك تاني
أحلام : ادخل يا هادي بقي الدكتور قال ترتاح كده هتتعب تاني
نجمه بحزن لخليل : خليل استنى انت عارف انك ابويا مش بس اخويا والله ماقصد اسفه سامحني بس والله من خوفي عليكوا انا اسفه سامحنى انا مايهنش عليا زعلك
خليل خرج بسرعة بعد كلامهم معاه خاصة كلام نجمة وقرر يختفي عن الكل هادي لاحظ حزنها
هادى : نجمه
نجمه : نعم يا هادى
هادى : مالك !!
نجمه : انا كويسه اطمن ارتاح وهجهز الغدا علشان ميعاد علاجك
هادى : استنى ماتزعليش منى اسف حقك عليا
نجمه بحزن : مش زعلانه هزعل ليه خلاص اخويا مشي علشان الكل يرتاح انتم متعرفوش انا حاسه بايه خليل هو ابويا اللى كان جنبي طول الوقت وخلاص خسرته
هادى : نجمه صدقيني غصب عني والله لما بشوفه بتوتر بحس أنه هينقض عليا أنه عايز يموتنى نجمه انا عمرى ما اذيتك ولا زعلتك ليه اخوكى دايما محسسنى انى بعذبك نظراته ليا كان فيها تحدي كأننا فى حرب
نجمه : انت عارف خليل من صغركم وعارف انه عصبي وخاصة لو شافني زعلانه انا بالنسباله بنته مش اخته هادي انا مقسومه بينكم ولو دافعت عن واحد منكم التانى يتهمني انى مش معاه خليل اطيب شخص ممكن تقابله فى حياتك حاول بس تفهمه وتكونوا أصحاب علشاني
هادى : حاضر يانجمتى هحاول والله معاه بس هو يحاول يبقى هادى معايا والنبى
نجمه : هتكلم معاه
هادى : ماشي ياحبيبتي فكى بقى واضحكى مش بحب اشوفك زعلانه كده يا نجمتى
نجمه : ماشي يا حبيبي خلاص
هادى بمكر : وحشتيني
فات أسبوع وخليل مختفى تماما وفى يوم كان راجع من بره ووعد شافته ونادت عليه لاحظت حزنه
وعد بتوتر : خ خ خليل
خليل : نعم يا وعد عاوزة حاجه مينفعش نقف نتكلم فى الشارع روحى يلا
وعد : عايزه اتكلم معاك شويه ممكن
خليل : الناس هيتكلموا عليكي مش خايفه يعني المره دى امشي يا وعد خلاص مش هضايقك تاني اوعدك
وعد بحزن : بقولك عايزه اتكلم معاك تقولى امشي شكرا ياخليل واضح انى غلطت لما وثقت فيك ولما لقيتك زعلان وماكلمتنيش من وقت إلى حصل قولت اكلمك انا الى اسفه انى ضايقتك عن اذنك
خليل بهدوء : نعم ياوعد اتفضلي نتكلم فى المطعم طيب
وعد بتزمر : لأ خلاص يا استاذ واضح انك شوفت غيري
خليل بعصبيه : خلاص يا وعد وبعدين معاكى مش خليل اللى يضحك على بنات الناس
وعد بحزن : هو انت بتتعصب عليا ليه دلوقتى الله
خليل بيأس : وعد انا تعبان وتعبت من الخناق خلاص كلها أسبوع واسافر والكل يهدي
وعد بصدمه : نعم هتسافر يعنى اي هتسافر وتقولى انك ماضحكتش عليا بقى توعدنى وتسيبنى طيب وانا
خليل بغضب : انتى عاوزة ايه يا وعد من اسبوع كنتى خايفه منى ورافضه الكلام معايا هسالك مره اخيرة وبعدها متزعليش تقبلي تتجوزيني
وعد بدموع : موافقه ماتمشيش وتسيبنى ارجوك
خليل بسعاده : بتتكلمي بجد
وعد بدموع وتوتر : ايوه
خليل بحب : زعلانه ليه طيب ده أسعد يوم فى حياتي
وعد ببكاء : علشان انت وحش وعايز تسيبنى وتسافر بعد ما قولتلى انك عاوزنى ومستعد تتغير علشانى ومش عارفه اي وبعدها اختفيت وماكلمتنيش تانى ولا حتى فكرت تسأل عليا
خليل بحزن : كلام نجمة وجعني وصدمنى هى بالنسبالي بنتى الأولي عارف انى غلطان بس مش بايدي اشوف حد بيهينها حتى لو مين حسيت أن وجودى هنا هياذى الكل وخوفك منى حسسني انك هترفضي اختارت انى ابعد علشان وجودك انتى وهى قدامي ومش قادر اتكلم معاكم موت بالنسبالي
وعد : على الفكره نجمه بتحبك اوى وبتعتبرك ابوها مش اخوها انا عالطول كنت بستغرب كلامها عنك إلى هو انتى بتقولى ايه ولا عن مين ده مستحيل يكون طيب وعاقل وفي كل الصفات إلى بتقوليها دى كنت بقول اكيد علشان اخوها بتقول كده بس هو مش كده علشان كده كنت بخاف منك وخصوصاً لما كنت بتجيلى فى كل مكان وتحاول تتكلم معايا كنت بخاف اكتر علشان كنت شيفاك بصوره تانيه خالص بس اليوم الى كنا فيه سوا فى شقة اختك والى حصل وقتها شوفت فيك حاجه تانيه ماصدقتش نفسي انى شيفاها
خليل : ممكن بلاش نتكلم عن نجمة يلا روحى بلغي عمى هنكون عندكم الليله انا وبابا علشان نحدد ميعاد الفرح
وعد : ونجمه مش هتقولها والله هى ماتقصد تزعلك دى من وقت إلى حصل وهى منهاره علشان انت زعلان هى بس كانت خايفه عليك احسن تتهور وتعمل حاجه تانيه ووقتها تتأذي بسببها وكمان خايفه على جوزها ودى حقها تخاف عليك وعليه اقولك على حاجه انا لو مكانها هخاف على جوزى حبيبى ولو عندى اخ بيحبنى زيك هخاف عليه برده فاهمنى
خليل : نتكلم بعدين يلا علشان مفيش حد يتكلم عليكي وبدل ما اجى اتقدملك تيجي تخرجيني من القسم
وعد بخجل : لأ كفايه اقسام بقى وبعدين قولنا اي نحكم عقلنا شويه ماشي
خليل بابتسامه : ماشي يلا اسبقيني على فوق
وعد بخجل : ماشي
سلطان قرر يروح يبلغ نجمة علشان تكون مع خليل لأنه عارف إنه بيحبها ومحتاج وجودها مع فى يوم زى ده خبط على الباب وفتحت له ودخل
سلطان : مساء الخير اخبارك ايه يا نجمة انتى وهادي والولاد
نجمه : بابا اتفضل احنا كويسين هادي جوه
هادي : اهلا ياحمايا اتفضل
سلطان : اخبارك ايه يا هادي معلش الفترة اللى فاتت كنت مشغول فى الشركة بصراحه من غيرك انت وخليل الدنيا ضايعه
هادى : ليه هو سي خليل فين زعلان عليا بعد الشر
سلطان : هادي خليل من وقت أخر مواجهه بينكم وهو مش بينزل الشركة وقرر يسافر فرع الخليج
هادى : ليه كده حصل حاجه ولا ايه ماله
سلطان : من وقت كلام نجمة معاه وهو رافض يتكلم مع حد بس عاوز منك طلب يا هادي النهارده خليل رايح يتقدم لوعد محتاج وجودكم معاه علشان ميبقاش لوحده حاول تقرب منه ك أخ
هادى : اكيد ياعمى اطمن هنكون موجودين بس بالنسبه لموضوع اخ ده بصراحه هحاول وربنا يستر فيه ومادخلش العنايه تانى
سلطان : خليل اتغير يا هادي هتشوف بنفسك
هادى : هنشوف ياعم يارب يكون اتغير بجد و الجواز يهديه ويهده شويه ويتعلم الادب زي كل الى متجوزين
نجمه : اتفضل العصير يا بابا انتم كويسين
سلطان : أيوه يا حبيبتي اطمنى عاوزك انتى وجوزك معانا النهارده واحنا بنطلب وعد لأخوكي
نجمه بحزن : خليل زعلان منى يا بابا ومعاه حق مش قادره اواجهه هادى هيحضر هو والولاد
سلطان : ايه الكلام ده يا نجمة هتسيبي اخوكي لوحده فى يوم زى ده
هادى بتأكيد : اطمن ياعمى كلنا هنحضر ونجمه أول واحده
سلطان : طيب يا ولاد هسيبكم بقي ونتقابل الليله
هادى : ماشي ياعمى اتفضل …. نجمه
نجمه : نعم يا هادى
هادى : ممكن افهم مش عايزه تروحى مع اخوكى ليه معقول انتى هتسيبى خليل اخوكى وابوكى ف يوم زى ده ماعتقدش ان قلبك هيطاوعك تعمليها
نجمه : خليل زعلان منى ومش بيرد عليا انا اخت فاشله
هادى : مين قال كده ياحبيبتي انت اخت حنينه جدا وجدعه هو زعلان بس علشان إلى حصل اتكلمى معاه وهو هينسي صدقيني وجودك معاه ف يوم زى ده هيفرحه وهينسيه اى زعل
نجمه بحزن : انت مش عارف زعل خليل
هادى : عارف يختى عارف ما انا مجربه كتير بس انتى أخته مش هيفضل زعلان منك كتير وخصوصاً لما يشوفك معاه ف يوم زى ده
نجمه : طيب يلا البس علشان منتأخرش عاوزاك تكون معاه كأخ النهارده
هادى : يا دى النيله عليا اخ اخ كل واحد يقولى اخ ربنا يستر منه النهارده والله انا عادى وهادى هو إلى مش هادى خالص ربنا يستر
نجمه : طيب يلا اجهز انا معاك ماتقلقش
هادى : ماشي يا حبيبتي يلا
وصلت نجمة وهادي ودخلت أوضته كان بيلبس جاكت البدله
نجمه بحزن : خليل
خليل بسعاده وفرحه كبيره : نجمه
نجمه : مبروك يا حبيبي الف مبروك فرحتلك اوى
خليل بعدم تصديق : انا مش مصدق انتى هنا بجد
نجمه بدموع فرحه : اه طبعا ياحبيبي هنا تفتكر ممكن اسيبك فى يوم زى ده ده اسعد يوم ف حياتى يوم ما اشوفك عريس واشيل عيالك ده يوم منايا
خليل : وحشتيني اوي اليومين اللى فاتوا اوعي يكون حد زعلك
نجمه : وانت كمان وحشتنى اوى ولأ ياحبيبي اطمن والله هادى طيب اوى وبيحبك ارجوك اهدي ف التعامل معاه ده صمم أننا نيجي ليك ومانسيبكش لوحدك ف يوم زي ده رغم أنه خايف منك علشان خاطرى اتعامل معاه ك اخ ممكن
خليل بهدوء : انا بحب هادي زى اخويا بس اللى يزعلك ببقى واحد تاني
نجمه بضحك : والله هو مش بيزعلنى ده انا الى مطلعه عينه هو بس أمه بتنكشنى ف بنكشها وهو بيتظلم وسطنا المهم قولى اي حكاية وعد يعني نقفشكوا فى الشقه عندنا وبعد كده ألمحكوا واقفين سوا ودلوقتي رايحين نطلب ايديها اي الحكايه
خليل بابتسامه : انتى عارفه انى بحبها من زمان وكانت بترفض بس استغليت يوم ما خرجتني وخطفتها و جبتها فى شقتك
نجمه بضحك : يخربيت جنانك دى حماتى كانت هتلم عليكوا الشارع وعايزه تطلب البوليس الحمدلله انها عدت بس اقنعتها ازاى دى كانت بتخاف منك كنت كل ما اجبلها سيرتك تترعب ووشها يصفر يعينى وتخاف وتقولى قفلى سيرته والنبي
خليل : هو انا شرير اوى كده
نجمه : مش شرير بس علشان انت عصبي اوى وايدك سبقاك ف كانت بتخاف منك اوى وخصوصاً أنها رقيقه ف عايزه تعامل هادى رقيق علشان كده مكنتش شايفه ده فيك ف كانت بترفضك
خليل : جايه لوحدك ولا ايه
نجمه : لأ هادى والولاد معايا بس بره
خليل : انا عاوز اتكلم مع هادي شوية هيوافق
نجمه : مش عارفه بس روح اتكلم معاه بس بالهداوه بالله عليك هاه
خليل : ماتقلقيش
نجمه : ماشي يا حبيبي
هادى بخوف شديد: خ خ خليل والله ماعملت حاجه والله
خليل : أهدى يا هادي انا عاوز اتكلم معاك شوية
هادى بتوتر : أت أت أتكلم اهو بس وانت بعيد والنبى ماتقربش انا لسه ما اتعالجتش من المره إلى فاتت والله استنى اتعالج وبعدين اعمل إلى تعمله
خليل بهدوء : ممكن نرجع أصحاب واخوات زى زمان
هادى بقلق : هاه انت بتقول اي
خليل : الى سمعته خايف ليه
هادى محاولا اخفاء خوفه : هاه لالالالاااا وهخاف ليه انا عادى خالص اهو بس اصل يعني
خليل : اتكلم يا هادي عاوز نبدأ صفحه جديده بجد
هادى : هو انت سخن ولا حاجه يعنى انت واعي للى بتقوله وبتعمله ده
خليل بعصبية : هادي انا بتكلم بجد لو مش مصدق خلاص انسي
هادى : اهو كده انا اصدق انك خليل عصبيتك دى السبب عالفكره
خليل : يعنى موافق ولا لا
هادى : انا موافق وجدا والله بس اي يطمنلى انك ماتتهورش وتقتلنى المره إلى جايه
خليل : متزعلش نجمة بس انت
هادى : والله مابزعلها دى تزعل بلد ياعم وصيها انت عليا
خليل : صدقنى هى بتحبك حتى اكتر منى
هادى : لأ ياعم ماتقولش كده دى بتحبك اوى ماشوفتهاش اليومين الى فاتوا كانت عامله ازاى وبعدين انا كمان بحبها اوى والله ومابقدرش على زعلها بس هما الستات كده اديك هتتجوز وهتجرب بنفسك وربنا لتندم
خليل : اسكت احسن تسمعك
نجمه : بتقول حاجه يا هادى
هادى : أبدا ياحياتى ده انا بنصحه
نجمه : طيب يلا هنتأخر
هادى وخليل : يلا بينا
اتفقوا على ميعاد الفرح بعد شهر وقرأوا الفاتحه ولبسوا الدبل وبدأوا يجهزوا للفرح وبدأ خليل يتغير لشخص تاني واتصالح هو وهادي ويوم الفرح رقص مع وعد والكل كان مبسوط لهم وبعد دخولهم الشقة وعد كانت خايفه رغم كلام نجمة معاها دخلوا أوضتهم وهى بين أيده
خليل بحب : اخيرا بقينا سوا لوحدنا
وعد بخجل : _______
خليل بمناغشه وعمزه : اتكلمى ياحبيبتي
وعد بخجل : اقول اي
خليل وهو يقترب منها أكثر ف أكثر : أى حاجه ايه يا وعد انتى قاعدة مع صاحبتك اتتكلمى ياحبيبتي قولي اي حاجه
وعد وهي تبتعد عنه وتصرخ : لالالالالالالالاااااااااااااااااا والنبي ماتقربش منى خليك بعيد عنى اعااااااااااااااااااااااا
وعد دخلت أوضة تانية وقفلت على نفسها الباب قعد يخبط بغضب وهى خايفه منه ونامت من تعبها وخليل قعد يستناها تفتح له الباب سمع خبط على الباب وكانت الساعه ١٢ قام بفتح وكانت نجمة اتعجبت أنه لسه ببدلة الفرح دخلت ومعاها شنط فيها فطار لهم
نجمة بهدوء : إنت لسه بالبدله ليه يا خليل وفين وعد
خليل بحرج : وعد لسه نائمة ادخلي على ما أشوفها
نجمة مسكت أيده توقفه : فى أيه يا خليل احكيلي
حكى لها وكانت مصدومه طلبت منه يبدل هدومه وهى هتتكلم مع وعد دخل أوضتهم وهى خبطت على وعد فتحت لها
وعد : نجمة كويس إنك جيتي قولي لأخوكي يسيبني أمشى
نجمة بضحك : تمشي فين هو أنا مش فهمتك يا بنتى كويس إن انا اللى جيت مش حد تاني وإلا الحارة كلها كانوا هيتكلموا عنكم انتم الاتنين
وعد بعدم فهم : يا بنتى افهميني أخوكى كان عاوز ي ي
نجمة بغيظ : وعد انا ماشية وهرجع لكم بالليل هاه هستني تطمنيني بنفسك
حاولت تمنعها تمشي لكن رفضت بعد ما مشيت نجمة كانت قاعدة خايفة خليل دخل بهدوء وحاول يهديها مسك أيدها
خليل بحب : وعد مفيش حد هيخاف عليكي قدي ولا هيحبك قدى
وعد بتوتر : وأنا كمان بحبك يا خليل بس غصب عني محتاجه تطمنى وتكون معايا
خليل قبل رأسها وبدأت تهدى معاه وقبل شفتيها برقه وسحبها الى عالمهم الخاص وبعد فترة أصبحوا زوج وزوجة رغم توترها فى البداية لكن كان يطمئنها بحبه فى كل حركه و همسه منه
رجعت نجمة بيتها اتفاجأت الشقه هادئه والولاد مش موجودين وشافت هادي اللى غمز لها وشالها ودخلوا أوضتهم سوا حاولت تعترض لكن مقدرتش وكانت فرحانه إن حياتها وحياة اخوها استقرت ..

تمت

https://drive.google.com/file/d/1eeYFaZSoe5ZyhYfacIFB-wTtY3sUzOTg/view?usp=drivesdk‎‏

الزهراء للروايات

يوميات نجمة وهادي للكاتبة فاطمة الزهراء كاملة

أضف تعليق إلغاء الرد

يوميات نجمة وهادي للكاتبة فاطمة الزهراء كاملة

شارك هذا الموضوع:

أضف تعليق إلغاء الرد